Zooelon

Uy hayvonlari va veterinariya platforma

Ochiq ish o‘rinlari0 Yangiliklarda1 zooelon.uz/uz

Zooelon - uy hayvonlari egalari uchun yagona raqamli platforma. Biz yo‘qolgan hayvonlarni topishga yordam beramiz, veterinariya klinikalari, pet shoplar va hayvon egalarini bir joyga jamlaymiz hamda hayvonlar uchun mahsulot va xizmatlarni topish, sotib olish va sotishni osonlashtiramiz.

Muammo

O'zbekistonda uy hayvonlari egalari veterinariya klinikalari, pet shoplar, yo'qolgan hayvonlar haqidagi ma'lumotlar va ishonchli mutaxassislarni turli Telegram guruhlari hamda ijtimoiy tarmoqlardan izlashga majbur.

Qidiruv ko'p vaqt oladi
Ko'pincha natija bermaydi
Ishonchli manba yo'q

Yechim

Zooelon barcha xizmat va e'lonlarni bitta platformaga jamlaydi: yo'qolgan hayvonlarni qidirish, veterinariya, marketplace va mutaxassislar katalogi.

Qidiruv - Yo'qolgan hayvonlar
Veterinariya - Klinikalar va shifokorlar
Marketplace - Mahsulot va xizmatlar
Katalog - Mutaxassislar ro'yxati

Asoschilar

Feruzbek Otaqulov

Zooelon asoschisi

Media va IT kesishmasida shakllangan asoschi: IT sohasida 20 dan ortiq, media olamida 500 dan ortiq loyihada ishtirok etgan ijodkor. Zooelon'ni yolg'iz emas, 2 yildan beri birga ishlab kelayotgan jamoasi bilan qurmoqda - oxirgi 5 oy loyiha to'liq kuch bilan rivojlantirilmoqda.

Tajriba

Asoschining yo'li klassik dasturchi yo'li emas - u media va IT loyihalari kesishmasidan kelgan: 500 dan ortiq media loyihasi va 20 dan ortiq IT loyihasida ishtirok etgan. Zooelon'da mahsulot, dizayn, marketing va biznesni rivojlantirish yo'nalishlarini jamoasi bilan birga olib boradi.

Jamoa

To'rt kishilik yadro 2 yildan beri birga ishlaydi:

Islomov Muhammadjon - Product Owner, Sharh, Hissa, chakana savdo va boshqa ko'plab yo'nalishlarda product menejer sifatida ishlagan

Abduvali Murodullayev - Backend Engineer, UIC Group kompaniyasida ishlagan
Aydos Sankibaev - Frontend Team Lead, 40 dan ortiq loyihada ishtirok etgan va startaplarni qo'llab-quvvatlagan; loyiha strukturasini qurish uning zimmasida

Texnik rivojlantirishda jamoa bilan bir qatorda tajribali autsors dasturchilar ham ishlaydi.

Yutuqlar

"Yoshlar tashabbusi" (2026) tanlovida finalga chiqqan 15 loyiha orasidan eng kuchli 5 talikka kirgan
MVP ishga tushirilgan: 5 oy ichida ~500 foydalanuvchi yig'ilgan
Yuridik shaxs ro'yxatdan o'tgan

Nima uchun aynan bu loyiha

Jamoaning o'z ifodasi: "Bu biz uchun shunchaki startap emas, balki uzoq yillik maqsadimiz va katta mas'uliyatli loyiha."

Hozirgacha loyiha bootstrapping asosida qurilgan: oylik ~$800-1,000 xarajat (server, API, marketing, autsors dasturchilar) o'z mablag'laridan qoplanadi, asoschilar maosh olmaydi. Ya'ni jamoa tashqi investitsiyasiz mahsulotni bozorga chiqarib, ilk 500 foydalanuvchini yig'ishga ulgurgan.

Islomov Muhammadjon

Zooelon, PO