UzCombinator
UZ
EN
Barcha nashrlar
Ilmiy maqolaAsoschilar va jamoalar17-noyabr, 2026

Ayol startap asoschilari: farq qayerda va uning sababi nimada?

UZC Research Institute
PDF ni ochishYuklab olish

Annotatsiya

Maqsad. Ayol asoschilar haqidagi mavjud raqamlar asosan investorlar qarorini aks ettiradi. Ushbu maqola undan oldingi bosqichni — ariza topshirilgan paytda ayol va erkak arizachilar ko'rsatkichlari qanday farq qilishini va bu farqni qaysi omillar tushuntirishini o'rganadi. Ma'lumot va usul. UzCombinator 2-mavsumiga kelgan to'liq arizalardan jins savoliga javob bergan 1 170 kishi tahlil qilindi. Foydalanuvchi, daromad, to'lovchi mijoz va ro'yxatdan o'tganlik ko'rsatkichlari guruhlar bo'yicha solishtirildi; farqlar bosqich ichida va yosh, soha, bosqich, mijoz turi hamda freemium model hisobga olingan statistik modelda tekshirildi. Natijalar. Arizachilarning 19,1 foizi ayol. To'lovchi mijozi bor arizachilar ulushi erkaklarda ayollarnikidan uch barobar yuqori (24,2% va 7,9%). Foydalanuvchi va daromad bo'yicha farqning katta qismi ayollarning ko'proq g'oya bosqichida ariza topshirishi bilan izohlanadi (39,0% va 20,2%). To'lovchi mijoz bo'yicha farq esa barcha omillar hisobga olingandan keyin ham saqlanadi (12,4% va 22,6%). Ayollar ulushi Toshkent shahrida (12,4%) hududlardagidan (23,2%) past. Cheklovlar. Tadqiqot faqat bitta akseleratorga ariza topshirganlarni qamrab oladi; ko'rsatkichlar "ha" yoki "yo'q" shaklida so'ralgan va foydalanuvchisi bor ayol arizachilar soni kichik (46 ta).

Kalit so‘zlar

ayol tadbirkorlar
startaplar
akseleratorlar
gender tafovuti
hududiy tafovut
O'zbekiston

To‘liq matn

O‘xshash nashrlar

Keys-tadqiqotInvestitsiya va venchur5-noyabr, 2026
$150 mingdan $800 minggacha: UzCombinator Demo Day ko’rsatkichlari va eng ko’p investitsiya olgan startap
Mashhurbek Mahmudov
UzCombinator’ning ikkinchi mavsumi yakunlanib, Demo Day ham allaqachon o‘tib bo‘ldi. Endi savol: 2-mavsumda 1-siga nisbatan qanday oʻzgarishlar va oʻsish kuzatildi?
PDF · 334 KB 99 39O‘qish
Ilmiy maqolaStartap ekotizimi20-oktabr, 2026
O'zbek startap asoschilari nimalar qurmoqda
Ahmadjon Qahramonov, Mashhurbek Mahmudov, Murodillo Ismoilov va yana 1 kishi
O’zbekistonda faqat moliyalashtirilgan startaplar e’lon qilingani sababli, startap qurish jarayoni — urinishlar, to’planish joylari va muvaffaqiyatsizliklar — jamoatchilikka noma’lum bo’lib qolmoqda. Ushbu maqola UzCombinator (UzC) ikkinchi batchiga 2026-yil iyun–iyul oylarida topshirilgan 3 573 ta ariza asosida ushbu axborot bo’shlig’ini to’ldirishga hissa qo’shadi; ularning to'liq to'ldirilgan 1 360 tasi tahliliy bazani tashkil etadi. Maqolada arizachilar sohasi, bosqichi, mijoz turi va daromad modeli bo’yicha tavsiflanadi hamda 2-mavsumga qabul qilingan asoschilar (n=31) va Y Combinator’ning 2025-yil yozgi batchi bilan solishtiriladi. Arizachilar orasida eng keng tarqalgan sohalar sun’iy intellekt va ta’lim bo’lib, ta’limga tatbiq etilgan sun’iy intellekt eng yirik sun’iy intellekt kombinatsiyasidir. Sun’iy intellekt asosan mavjud sohalarga qo’shimcha funksiya sifatida, mahalliy muammolarni hal qilish uchun qo’llanilmoqda. Saralash arizachilar to’plamidan keskin farq qiladi: arizachilarning 26,2 foizini g’oya bosqichidagi asoschilar tashkil etgan, ammo g’oya bosqichidagi startaplar umuman qabul qilinmadi, daromad va o’sish bosqichidagi startaplar esa qabul qilinganlar orasida arizachilarga nisbatan taxminan uch baravar ko’p uchradi. Qabul qilingan asoschilar sun’iy intellektga ko’proq asoslangan (51,6 %) va asosan B2B (87,1 %) bo’lib, ularning holati Y Combinator profiliga yaqinroq. "Subscription" butun arizalar bo’yicha eng keng tarqalgan daromad modelidir. Tadqiqot tavsiflovchi xarakterga ega va O’zbekiston startaplarining to’liq ro’yxati (census) emas. U bir mavsumga qabul davrida ariza topshirishni tanlagan asoschilarni qamrab oladi; shu sababli hech qachon ariza topshirmagan yoki dastur haqida eshitmagan asoschilar ma'lumotlari tahlilda kiritilmagan, shu sababli, topilmalar sabab-oqibat aloqalarini yaratmaydi. Kalit so’zlar: startap ekotizimi, O’zbekiston, tezlatgichlar, tadbirkorlik, sun’iy intellekt, rivojlanayotgan bozorlar, Markaziy Osiyo
1 360
to‘liq ariza tahlil qilindi
26,2%
g‘oya bosqichida
51,6%
sun’iy intellektga asoslangan
PDF · 208 KB 256 111O‘qish
HisobotStartap ekotizimi15-oktabr, 2026
O‘zbekiston startap ekotizimi 2026: 3 532 ta ariza tahlili
UzC Tadqiqot Instituti
Ushbu hisobot UzCombinator 2-mavsumiga 2026-yil 8-iyundan 20-iyulgacha topshirilgan 3 532 ta ariza va ulardagi 4 233 asoschining anonim, umumlashtirilgan tahlilini taqdim etadi. Asoschilar juda yosh: yoshi ko‘rsatilganlarning 66% i 21 yoshga to‘lmagan; ayollar 24% ni, yakka asoschilar 84% ni tashkil etadi. Hududi ko‘rsatilgan arizalarning uchdan biri Toshkent shahridan, qolganlari 13 hudud va xorijdan keladi. Sun’iy intellekt (406) va ta’lim texnologiyalari (402) yetakchi sohalar; mijozlar bo‘yicha biznes (788) va iste’molchi (775) yo‘nalishlari deyarli teng. Bosqichini ko‘rsatgan 1 635 jamoaning 41% i MVP bosqichida; ilk foydalanuvchidan daromadga o‘tish eng tor joy bo‘lib chiqdi. Arizalarning 94% ida hali daromad yo‘q, 15% i hozir mablag‘ yig‘moqda, oldin investitsiya olganlar 1%. Dasturga qabul darajasi 0,65% (23 jamoa). Hisobot O‘zbekiston startap ekotizimining hajmi, tarkibi va bosqichlari haqida ochiq ma’lumot manbai sifatida tayyorlandi. Har bir ko‘rsatkich o‘z asosi (n) bilan beriladi.
3 532
ariza, 2-mavsum
66%
21 yoshga to‘lmagan
84%
yakka asoschilar
PDF · 183 KB 154 67O‘qish